मी एकटाच किनारी चुकलेलो ....
दुखवून तुला का मजला आनंद होतो राणी
अश्रू वाहिले तिथे, इथे गालांवर ओघळले पाणी
एका चुकीला विसरून माझे प्रेम लक्षात येईल का
हि ऐलतीराची नाव, राणी पैलतीरावर जाईल का
तू सदैव माझ्यासाठी, केले रक्ताचे पाणी
दुर्लक्षित झाले सूर, अन विसरून गेलो गाणी
तोच कंठ पुन्हा एकदा, माझ्यासाठी गाईल का
हि ऐलतीराची नाव, राणी पैलतीरावर जाईल का
तू शीतल सरीतेसारखी मी अवखळ सागर आहे
तू अथांग विश्व प्रेमाचे मी रीतीच घागर आहे
बोल राधे तुझा नि माझा सुरेल संगम होईल का
हि ऐलतीराची नाव, राणी पैलतीरावर जाईल का
चुकलो मी नाही कळले, शब्दात जाहला घोळ
मग क्षणात बिथरून गेला, प्रेमाचा झाला खेळ
मी एकटाच उभा किनारी तुजवीण जीव हा राहील का
हि ऐलतीराची नाव, राणी पैलतीरावर जाईल का
कवी किरण
No comments:
Post a Comment