आरसा

आरसा

आरश्यात बघ माझ्या नजरेतून
तुला कळेल तू किती लाडकी आहेस कुणासाठी
तुझी अदा किती गोड,
तू इतकी सुंदर कशासाठी ....

आरश्यात बघ माझ्या नजरेतून
खूप काही वेगळं दिसेल तुला
जे तू यापूर्वी कधीच पाहिलं नव्हत
काहीतरी आश्चर्यचकित करणारं
जे अगोदरही तुझ्या अगदी जवळ होतं

आरश्यात बघ माझ्या नजरेतून
गालांवर ओघळेल तुझ्या लाली
सेच्कांदागानिक मिचमिचणाऱ्या
तुझ्या पापण्या वरखाली

आरश्यात बघ माझ्या नजरेतून

आणि हो नजर काढ बरं स्वतःची
लागू नाय याच्यासाठी
कारण तुझी अदा किती गोड,
तू इतकी सुंदर कशासाठी ....