मांडीवरती डोकं ठेवून...

मांडीवरती डोकं ठेवून...



खूप झालीय धावपळ, थोडा आराम हवाय खरा,

मांडीवरती डोकं ठेवून...झोपू का गं जरा ?



सकाळ दुपार संध्याकाळ, कामात निघून जाते,

अधून मधून सारखी मला, तुझी आठवण येते,

पण मिळतो जेव्हा वेळ तेव्हा, वाजले असतात बारा !

मांडीवरती डोकं ठेवून...झोपू का गं जरा



ऑफिस संपताच आईचा फोन “राजे कुठे आहात?”

पप्पांचे डोळे असतात सारखे घड्याळाकडे पाहात

कधी संपणार आयुष्यातला हा ससेमिरा

मांडीवरती डोकं ठेवून...झोपू का गं जरा



वाटत दूर पळून जावं जंगलात कुठेतरी

जिथे नसेल वेळेसाठी अशी हेराफेरी

इतका प्रेम करेन कि म्हणशील तू लांबच बरा :-)

प्लीज...मांडीवरती डोकं ठेवून..झोपू का गं जरा



कवी किरण