मैत्री....
अपेक्षा नसतात आणि उपेक्षाही नसतात
मैत्रीत असते फक्त ओढ..एकमेकांसाठीची
नुसत्या आठवणीत सुद्धा ते एकमेकांना भेटतात,
गरज नसते .. खऱ्या भेटीची
मैत्री म्हणजे निस्वार्थीपणाचा आदर्श
मैत्री म्हणजे आपलेपणाचा प्रेमळ स्पर्श
उघड्या डोळ्यांनी पाहिलेली असतात ती स्वप्नं रेशिमगाठीची
मैत्रीत असते फक्त ओढ..एकमेकांसाठीची
मैत्री एक अलिप्त आयुष्य, या जगाहून नामानिराळं
मैत्री म्हणजे एकमेकांच्या बंधनात गुंफलेलं अथांग जाळं
त्यात असते ठेचून भरलेली हुरहूर कुणासाठीची
मैत्रीत असते फक्त ओढ..एकमेकांसाठीची
मैत्री एक असं क्षितीज आहे जिथे आभाळ जमिनीला टेकतं
मैत्री असं एक लव्हाळं आहे जे अहंकार सोडून मित्रांसाठी झुकतं
मैत्री असते सर्वाचा शेवट आणि सुरवात वेड्या प्रीतीची
मैत्रीत असते फक्त ओढ..एकमेकांसाठीची
कवी किरण
No comments:
Post a Comment