तिच्यात भिजलेला पाऊस....

तिच्यात भिजलेला पाऊस....

माझ्या इतकाच तोही, तिच्या प्रेमात भिजला होता

त्या दिवशी तिला पाहून, चक्क पाऊस लाजला होता

कधीच न भेटल्यासारखा ,कोसळत होता बरसत होता

आढी वेढी वळणं घेऊन, बिलगण्यासाठी तरसत होता

त्यानं मिठीत घेताच.. काळजाचा ठोका वाजला होता

त्या दिवशी तिला पाहून, चक्क पाऊस लाजला होता

कधी रिमझिम, कधी मुसळधार, श्रावणधारा पडत होत्या

इतक्या दिवसांचे उसासे, आसमंतात सोडत होत्या

कस्तुरीचा मादक गंध, तनामनात रुजला होता

त्या दिवशी तिला पाहून, चक्क पाऊस लाजला होता

ऋतू येतात ऋतू जातात, तिचं सौंदर्य अबाधित असतं

बदलत्या ऋतूप्रमाणे, ते बदलत्या रंगात दिसत

अप्सरेच्या येण्यानं जसा, इंद्र दरबार थजला होता

त्या दिवशी तिला पाहून, चक्क पाऊस लाजला होता

खूप दिवसा नंतर तिला, असे भिजावेसे वाटले होते

ओलेचिंब करण्याकरता, प्रीतीचे मेघ दाटले होते

खूप बरसल्यावर मांडीवरती, डोकं ठेवून निजला होता

त्या दिवशी तिला पाहून, चक्क पाऊस लाजला होता

कवी किरण